"İyunun sonlarında Kəlbəcər şəhərinə səfərim zamanı, görüşlər çərçivəsində, həmçinin doğma Kəlbəcərimizdə yaşayan 114 yaşlı Xeyrənisə nənəni ziyarət etdim."

Bunu "atributinfo.az"a açıqlamasında VI çağırış Milli Məclisin deputatı,, Kəlbəcər rayon Ağsaqqallar Şurasının sədri Aqil Məmmədov deyib.
O, əlavə edib ki hələ 2020-ci ilin əvvəllərində, 44 günlük Vətən müharibəsindən öncə, Xeyrənisə nənə ilə Bakı şəhərində görüşümüz olarkən mən ona bildirmişdim ki, inşallah, tezliklə torpaqlarımız işğaldan azad olacaq, mən sizi Kəlbəcərdə, dədə-baba yurdumuzda, doğma evinizdə ziyarət edəcəyəm. Böyük sevinc hissi ilə qeyd edirəm ki, bu arzumuz, eyni zamanda ziyarətimiz də baş tutdu:

"Əlbəttə ki, bu sevinci bizə bəxş edən Müzəffər Ali Baş Komandanımız İlham Əliyev cənablarına, rəşadətli Ordumuza və qəhrəman oğullarımıza borcluyuq. Allahdan şəhidlərimizə rəhmət, qazilərimizə isə möhkəm can sağlığı arzulayıram."- Aqil Məmmədov deyib.

Bəradər Səməndərli
"Atributinfo.az"