Dekabrın 18-19-da baş tutacağı planlaşdırılan Qazaxıstan Respublikasının Aktau şəhərində liman və lojistika mərkəzləri liderlərinin ilk görüşü atrıq başlayıb. Rixos Water World Aktau Resort Hotelində keçirilən görüş Qazaxıstanın Nəqliyyat Nazirinin dəvəti əsasındadır. Dəvətlilər sırasında Azərbaycanı "A-DOG" şirkətlər qrupunun qurucusu, Əməkdar mühəndis, tanınmış İş adamı Musa Süleymanov təmsil edir.Toplantı 4 panel sessiyadan ibarətdir.
Birinci panel sessiyanın gündəliyinə “Qlobal Lojistika 2030: Qlobal NəqliyyatIn Yeni Memarliği”;
Fokus: Qlobal təchizat zəncirlərinin yenidən qurulması, yeni logistik güc mərkəzləri, qlobal nəqliyyat xəritəsində ŞƏT-in rolu mövzusu, 2-ci panel sessiyanın gündəliyinə
“Akilli Portlar və Yaşil Texnologiya: Gələcəyin Yeni Lojistikasi”;
Fokus: İnnovativ idarəetmə modelləri (ESG), AI yük axınının planlaşdırılması, real vaxt analitikası, yaşıl xidmətlər və standartlar, tam təmassız işləməyə keçid,terminal robototexnika, dəniz və quru limanda startaplar logistika,
3-cü panel sessiyanın gündəliyinə “Gələcəyin lojistikasi üçün kapital: investisiya cəlbi üçün vəsitlər”,
4-cü panel sessiyanın gündəliyinə isə "limanlarin əməliyyat səmərəliyi: müasir yük edilmə texnologiyalari və prosesin optimizasyasi" mövzusu daxildir.
Yekunda protokolun imzalanması, nəqliyyat və logistika mərkəzlərinin nümayəndələri arasında fəaliyyətin qısa icmalı və fikir mübadiləsi (TLC-nin iştirakı) olacaq.
Tədbiri giriş sözu ilə Qazaxıstan Respublikasının Nəqliyyat Naziri açıb. Qeyd edək ki, "Mangistau Hall"da qonaqlara rəsmi nahar və konsert proqramı, eləcə də
kuryk dəniz limanlarina səfər təşkil ediləcək,
turist və müqəddəs yerləri ziyarət edən mədəni proqram: - Xəzər sahilində qayalıq yol - Mangistau muzeyi - məscid (daş məscidlər, Beket Ata (280 km)) - qoruqlar ziyarət olunacaq.
Xatırladaq ki, Aktau Qazaxıstanın cənub-qərbində Xəzər dənizinin sahilində yerləşir.
P.S. Bu arada öyrəndik ki, azərbaycanlı İş adamı
Musa Süleymanov Aktauda düzənlənən sözugedən panel sessiyada çıxış edib. Çıxışın mətnini olduğu kimi paylaşırıq:
Hörmətli xanımlar və cənablar,
hörmətli həmkarlar!
Dəvətə görə Qazaxıstan Respublikasının Nəqliyyat Nazirliyinə təşəkkürümü bildirirəm.
Mənim adım Musa Süleymanovdur. Mən Azərbaycan Respublikasında fəaliyyət göstərən Zirə Port özəl dəniz limanı və sənaye kompleksini təmsil edirəm. Bu, Xəzər regionunda fəaliyyət göstərən və Şanxay Əməkdaşlıq Təşkilatına üzv ölkələrlə əməkdaşlığa açıq olan real, işlək limandır.
Zirə Port Bakının mərkəzindən təxminən 50 km məsafədə yerləşir və aşağıdakı imkanlara malikdir:
• eyni vaxtda 9 gəminin qəbuluna imkan verən 9 körpü;
• kanal dərinliyi 7 metr, akvatoriya dərinliyi isə 8–11 metr.
Bu parametrlər limana geniş tipli, o cümlədən tam yüklü gəmilərin qəbulunu təmin edir.
Yükdaşıma və avadanlıqlar
Liman ərazisində aşağıdakı avadanlıqlar fəaliyyət göstərir:
• STS kranı – saatda 25 konteyner yükaşırma qabiliyyəti ilə;
• Liebherr LHM 110 mobil kranı – səpələnmiş və ümumi yüklər üçün saatda 600 m³ məhsuldarlıqla.
Bu da limanda yüksək əməliyyat çevikliyini təmin edir.
Nəqliyyat inteqrasiyası
Zirə Port:
• öz dəmir yolu stansiyasına malikdir;
• beynəlxalq dəmir yolu şəbəkəsinə birbaşa çıxışa malikdir;
• limana aid olan 12 km avtomobil və dəmir yolu giriş yolları mövcuddur.
Bu, limanın xarici infrastrukturlardan asılı olmadan dayanıqlı logistika təmin etməsinə imkan yaradır.
İnfrastruktur və təhlükəsizlik
Liman ərazisində 24/7 rejimində aşağıdakılar fəaliyyət göstərir:
• gömrük və sərhəd xidməti;
• işıqlandırma və video-müşahidə sistemləri;
• tam mühəndis və servis infrastrukturu.
Zirə Port fasiləsiz və etibarlı şəkildə fəaliyyət göstərir.
Gəmiqayırma və offshore xidmətlər
Zirə Port yalnız logistika deyil, eyni zamanda sənaye-logistika kompleksidir və aşağıdakı xidmətləri təqdim edir:
• gəmiqayırma, təmir və texniki xidmət;
• neft-qaz əməliyyatları üçün offshore xidmətlər;
• qazma qurğularına və dəniz layihələrinə texniki dəstək.
Biz artıq BP, SOCAR, Total və Xəzər regionunda fəaliyyət göstərən digər operatorlarla əməkdaşlıq edirik.
ŞOS ölkələrinə mesaj
Azərbaycanda Orta Dəhlizin inkişafı Azərbaycan Respublikasının Prezidenti cənab İlham Əliyevin strateji dəstəyi əsasında həyata keçirilir.
Müasir logistika alternativ marşrutların yaradılmasını, risklərin azaldılmasını və limanların sənaye ilə inteqrasiyasını tələb edir. Xəzər regionu bu sistemdə əsas və strateji həlqəyə çevrilə bilər.
Zirə Port tranzit, gəmiqayırma, offshore dəstək və sənaye layihələri sahələrində əməkdaşlığa açıqdır.
Nəticə
Zirə Port kağız üzərində olan layihə deyil — fəaliyyətdə olan real infrastrukturdur.
Biz konteyner, səpələnmiş və layihə yüklərini qəbul etməyə, həmçinin Çin – Mərkəzi Asiya – Xəzər – Qafqaz – Avropa marşrutu üzrə Orta Dəhlizin inkişafında aktiv iştirak etməyə hazırıq.
Diqqətinizə görə təşəkkür edirəm.
Dialoqu davam etdirməyə məmnun olaram.
Bəradər Səməndərli
"Atributinfo.az"