Bəradər SƏMƏNDƏRLİ

Dünya malı nə mənimdi, nə sənin,
Ömür kimi mal da gəldi-gedərdi.
Bu təzadlı, bu mücərrəd həyatın
Əvvəli sevincdi, sonu kədərdi,
Ömur kimi, mal da gəldi-gedərdi.

Gələcəyin keçmişində axtaran,
Sürəcəyi xos gününə yas quran,
Kədərini öz içində basdıran,
Hisslərinə hakim olan, bəşərdi,
Omür kimi, mal da gəldi-gedərdi.

Yaranışdan hər nə varsa, ikidi,
Külli-aləmin İlahi təkidi.
Balans verən tərəzidi, çəkidi;
Bu nərd taxta, bu da cütləsmiş zərdi,
Ömür kimi, mal da gəldi-gedərdi.

Könul oxşa, qəlb sevindir, yadda qal,
Ozül yoxsa, dağılacaq "Tac-Mahal".
Bu dava-qırğın, bu savaş, qalmaqal,
Sərvət üstündədi, amma hədərdi,
Ömür kimi, mal da gəldi-gedərdi.

Dunya malın bazar sayırlar Allah,
Sonda hec nə aparmayırlar Allah.
Dənizi də hasarlayırlar Allah,
Bu nə qoruq-qadağadı, çəpərdi?
Omür kimi, mal da gəldi-gedərdi.

Bizim zamanımız daha kecibdi,
Karvan gedib, köçən isə köçübdü.
Şeir-sənət ucalığın secibdi,
Bəradərin adi dildə əzbərdi,
Ömur kimi, mal da gəldi-gedərdi.

24.05.2022