Bu gün Lerikdə Vətən müharibəsi şəhidi Cabbarov Vidadi Cəbrayil oğlunun doğum günü və onun xatirəsinə inşa edilmiş bulaq kompleksinin açılış mərasimi keçirilib. Mərasimdə millət vəkili İqbal Məmmədov,
Lerik Rayon İcra Hakimiyyətinin səlahiyyətlərini icra edən Cəlil Baxşıyev, YAP Lerik rayon təşkilatının sədri Malik Mirzəyev və rayon ictimaiyyətinin nümayəndələri birlikdə Piran kəndində şəhidin məzarı ziyarət etdi, ailəsinə baş çəkdi.
Məlumat üçün bildirmək istəyirik ki, Vidadi Cəbrayıl oğlu Cabbarov 28 mart 1997-ci ildə Lerik rayonunun Piran kəndində anadan olub. 2020-ci il sentyabrın 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi üçün başlanan Vətən müharibəsində savaşıb. Oktyabrın 20-də Qubadlı rayonu ərazisində gedən döyüşlər zamanı şəhid olub. Azərbaycan Respublikasının Prezidenti İlham Əliyevin 15.12.2020-ci il tarixli Sərəncamına əsasən, Vİdadi Cabbarov ölümündən sonra "Vətən uğrunda" və 24.12.2020-ci il tarixli sərəncamla "Cəbrayılın azad olunması uğrunda" medalı ilə təltif edilib.
Allah bütün şəhidlərimizə rəhmət eləsin!

"Atributinfo.az"