"Dünyanın ən uzun sözü neçə hərfdən ibarətdir?” sualı ilə qarşılaşsaq, cavabı heç təxmin də edə bilmərik. Çünki dünyanın ən uzun sözündəki hərflərin sayı bir kitaba sığacaq qədərdir.
Həmin sözü deməyə 3 saatdan çox vaxt gedir. Ehtimal deyil, ABŞ-da nəşr olunun "Esquire” jurnalının redaktoru Dmitri Qolubovski bunu sınaqdan keçirib. Dərginin rus əməkdaşı sözü ifadə etməyə çalışaraq, bunu videoya çəkib. Qolubovski sözü deməyə 3 saat 33 dəqiqə sərf edib.
Ümumilikdə sözdə 189819 hərf var. Bizim sözü burada bütöv yazmaq imkanımız yoxdur. Yalnız onu yaza bilərik ki, ən böyük zülalın kimyəvi adı belə uzundur.
Qolubovski "titin” kimi də tanınan zülalın bütöv adını jurnalda dərc etmək istəyib. Amma aydın məsələdir ki, bir kitab qalınlığında jurnal nəşr etmək məntiqli görünməyib.