Rusiyanın “Rospotrebnadzor” sanitar nəzarət orqanının alimləri hepatit C-nin diaqnostikası üçün dünyada ilk sürətli test hazırlayıblar.

Bu test virusu cəmi 25-30 dəqiqə ərzində aşkar etməyə qadirdir.

Agentliyin məlumatına görə, bu sürətli və dəqiq diaqnostika vasitəsi vaxtında müalicə etməyə və epidemiya əleyhinə tədbirlər görməyə imkan verir.

Qeyd edək ki, hepatit C serroz və xərçəng də daxil olmaqla, ciddi qaraciyər zədələnməsinə səbəb ola bilən yoluxucu bir xəstəlikdir. İmmuniteti zəif olan insanlar xüsusilə risk qrupundadır.