İlqar Həkim

Dadı qaçıb dünyanın,
Təamı tamsız gəlir.
Ətir, qoxu duyuanın
Dərdi amansız gəlir..,

Ruzigar soyuq gəlir, üşüyürəm ayazından!

Qarışiır ritimləri , baş açılmır avazından,
Dözməyir tarımlara simlər qırılır sazından,
Qan donur damarlarda,hər sığalından, nazından
Qışına nə deyim ki, umu-küsü yox yazından
Ruzigar soyuq gəlir,üşüyürəm ayzından!

Hoylanıb dörd yerindən ,ağrıyan yaram üşüdür,
Suclayır bir-birini halalla-haram üşüdür.
İnsan adlı bəndəsini , dünya adlı dam üşüdür.
Gah şeytan , gah da iblis , fitva verir doqqazından,
Rüzigar soyuq gəlir, üşüyürəm ayazından!

Susayib dünya yaman su yerinə qanlar icir,
Yaşanan ömrü- günü zaman yeyir anlar icir
Ahılı, yetkini yox pöhrənidə kəsib bicir ,
Binava məzlumları hey kecirir dəryazından
Ruzigar soyuq gəlir ,üşüyürəm ayazından!

Bicilir qönçələri, gül açmadan dəstələnir
Göylərdən yağan daşlar, başımıza qəsd ələnir
Rəngimiz avazıyır, ruhumuz da xəstələnir
Öskürək azarı da boğur canı boğazından
Rüzigar soyuq gəlir ,üşüyürəm ayazından!