Dövlət meşə fondunun ərazisi yanğından qorundu.
Bu gün Şamaxı Ağsu rayonlarının sərhədində Şərədil kəndi yaxınlığında yanğın hadisəsi qeydə alınıb.
6 saylı Regional Meşə Təsərrüfatı Mərkəzinin Şamaxı meşəbəyliyinin 6-cı dolayında, Ağsu dolayı ərazisində, bələdiyyənin örüş sahəsində Dövlət Meşə Fondunun sərhədində yanğın baş verib.
Yanğın meşə təsərrüfatı işçilərinin operativ və aktiv müdaxiləsi nəticəsində qısa müddətdə söndürülüb. Ərazi dağlıq və sıx meşə zolağı olduğu üçün yanğın kol-kos olan örüş sahəsində vaxtında lakalaşdırılmışdır.
Ağsu və Şamaxı rayonlarının mürəkkəb relyefi olan dağlıq ərazilərində baş verən yanğının vaxtında ram edilməsi meşə və digər təsərrüfatlara ziyan verməsinin, yanğının qalın meşə ərazisinə keçməsinin qarşısı alınıb.
Qeyd edək ki, mürəkkəb relyefli dağlıq ərazidə baş verən yanğının qarşısı vaxtında yüksək peşəkarlıqla alınıb. Ağsu çayın sağ tərəfində baş verən yanğın hadisəsi bələdiyyə fondunun torpaq sahəsidir. Meşə zolağı ilə sərhəd olan ərazi tamamilə söndürülüb.
Faktla bağlı araşdırma aparılır.
