Yaponiyanın mərkəzi Sakit okean sahillərini sentyabrın 20-də vuran “Dujuan” tayfunu nəticəsində 9 nəfər ölüb, 4 nəfər itkin düşüb.
Bu barədə Kanagava və Çiba prefekturalarının polisi məlumat yayıb.
Ölənlərin əksəriyyətinin güclü yağışların səbəb olduğu torpaq sürüşmələri və daşqınlar nəticəsində həyatını itirdiyi bildirilir.
Təbii fəlakət nəticəsində 500-dən çox evə ciddi ziyan dəyib, iki prefekturada 25 min ev elektrik enerjisiz qalıb. Bölgənin yollarında 100-dən çox avtomobil su altında qalıb.