Berlində Ukrayna Prezidenti Volodimir Zelenski, ABŞ Prezidentinin xüsusi nümayəndəsi Stiv Uitkof, Cared Kuşner, habelə ABŞ və Ukrayna nümayəndə heyətlərinin iştirakı ilə keçirilən görüş beş saatdan artıq davam edən müzakirələrdən sonra başa çatıb.

Görüşdə sülh üçün 20 maddəlik plan, iqtisadi gündəm və digər məsələlərlə bağlı dərin müzakirələr aparılıb. Bildirilir ki, böyük irəliləyiş əldə edilib və tərəflər bu gün səhər yenidən görüşmək barədə razılığa gəliblər.