Bu gün görkəmli alim, ədəbiyyatşünas, folklorşünas, publisist, yazıçı və tərcüməçi, Azərbaycan Respublikasının Əməkdar Elm Xadimi, professor Qəzənfər Məhəmməd oğlu Paşayevin doğum günüdür. Qəzənfər Paşayev 27 avqust 1937-ci ildə Tovuz rayonunun Düz Qırıqlı kəndində anadan olub.
Tovuz Xeyriyyə Cəmiyyətinin Ağsaqqallar Şurasının sədri kimi Qəzənfər müəllim cəmiyyətin fəaliyyətində, xüsusilə xeyriyyə və ictimai təşəbbüslərdə yaxından iştirak edir. Onun ağsaqqal sözü, ziyalılığı, xeyirxahlığı və doğma Tovuza bağlılığı hər zaman böyük hörmətlə qarşılanır.
Qəzənfər müəllimin zəngin elmi və ədəbi yaradıcılığı, Azərbaycan folklorunun, xüsusilə İraq türkmanlarının ədəbi-mədəni irsinin öyrənilməsi və təbliği istiqamətində gördüyü böyük işlər Azərbaycan elminə və mədəniyyətinə dəyərli töhfələrdir.
Tovuz Xeyriyyə Cəmiyyəti adından Qəzənfər müəllimi doğum günü münasibətilə ürəkdən təbrik edir, ona möhkəm cansağlığı, uzun ömür, ailə səadəti və elmi-ədəbi fəaliyyətində yeni uğurlar arzulayırıq.
Ad gününüz mübarək, əziz Qəzənfər müəllim!

Çingiz Abbasov
Tovuz Xeyriyyə Cəmiyyətinin sədr müavini