"İmişli rayonunda sakinlərlə görüşdük, ailələrə baş çəkdik, yas məclislərində camaatın kədərinə şərik olduq. İnsanlarla söhbətlərimiz çox səmimi keçdi. Seçicilərimizin Deputat Razi Nurullayev haqqında dediyi xoş sözlər, göstərdikləri etimad və mehriban münasibət bizə əlavə güc verir."

Bunu Milli Cəbhə Partiyasının (MCP) sədr müavini , deputat Razi Nurullayevin köməkçisi Ehtiram Mehdiyev "atributinfo.az"a açıqlamasında bildirib. O, əlavə edib ki, hər bir təbəssüm, hər bir xoş söz insanımıza daha yaxşı xidmət göstərmək üçün böyük stimuldur:

"Bu görüşlər bir daha göstərdi ki, xalqla birlikdə olmaq, onların dərdini və sevincini bölüşmək bizim üçün həm məsuliyyət, həm də böyük qürurdur."- Ehtiram Mehdiyev deyib.

Bəradər Səməndərli
"Atributinfo.az"