5 Oktyabr - Beynəlxalq Müəllimlər Günü münasibətilə Elm və Təhsil Nazirliyi Molekulyar Biologiya İnstitutunun direktoru vəzifəsini icra edən akademik İradə Hüseynovanın rəhbərliyi ilə institutun kollektivi Fəxri xiyabanda görkəmli şəxsiyyət və ictimai-siyasi xadim, böyük alim-pedaqoq, akademik Cəlal Əliyevin məzarını ziyarət edib, əziz xatiəsini böyük ehtiramla anıblar.

Bu barədə İnistitutdan bildirilib.

İnstitutun əməkdaşları mərhum akademikin məzarı önünə əklil və gül dəstələri qoyub, ruhuna dualar oxuyublar. Tələbələri müəllimləri akademik Cəlal Əliyevi böyük minnətdarlıqla xatırlayıb, alimin əziz xatirəsinin hər zaman onların qəlbində əbədi yaşayacağını bildiriblər.