Qardaşım İbrahim Göygöl rayonunun Aşıqlı kənd qəbristanlığına tez-tez, həm də mənsiz ata-anamızın məzarını ziyarətə gedəndə mənə bir şeir yazmışdı. Mən də ona belə bir cavab verdim. Şeirə oxşamasa da, paylaşmaq istədim. Bu gün yenə də payız olsa da, bahar buluduna dönüb gözlərim.

Ziyarətin qəbul olsun, ay qardaş,
Sormadılar “Məhəmmədin bəs hanı”?!
Göz yaşınla islandımı qara daş,
Sormadılar “Məhəmmədin bəs hanı”?!

İlmə-ilmə ürəyini didirsən,
Ziyarəti yenə təkcə edirsən.
İlin bütün dörd fəslini gedirsən,
Sormadılar “Məhəmmədin bəs hanı”?!

Dərd daşıyan ürəyinə qurbanam,
Sən o Allah ağlıyırmı, de, anam?!
Bu gün yenə sızıldayan kamanam,
Sormadılar “Məhəmmədin bəs hanı”?!

Susma, nolar, yazdıqların de gəlsin,
Ah-amanın qoy üstümə ələnsin!
Məzar daşı göz yazışma bələnsin,
Sormadılar “Məhəmmədin bəs hanı”?!

Çoxalıbmı anam kimi yatanlar,
Bizim kimi dərdə-qəmə batanlar?!
Kəlbəcərsiz son mənzilə çatanlar
Sormadılar “Məhəmmədin bəs hanı”?!



Məhəmməd Nərimanoğlu
Yazıçı-publisist, şair
AYB və AJB üzvü