...İş elə gətirdi ki, Moskvada əyani aspiranturanı bitirib, namizədlik dissertasiyasını müdafiə edib SSRİ Aqrar Sənaye Komitəsinin göndərişi ilə Azərbaycan Kənd Təsərrüfatı İnstitutuna müəllim kimi gəldim. 4 il sonra, 1993-cü ildə dekan, daha sonralar tədris işləri üzrə prorektor, rektor vəzifələrində çalışdım və illərlə gənclərə dəstək verdim, onlara çox güvəndim."

Bu sətirləri AMEA Bitki Mühafizə və Texniki Bitkilər ETİ-nin direktoru, professor İbrahim Cəfərov özünün feysbuk səhifəsində paylaşıb. O, indi də 3 ilə yaxındır ki, Bitki Mühafizə və Texniki Bitkilər ETİ- yə rəhbərlik etdiyini qeyd edib:

"Bəlkə də burada mənim gənclərə köməyimə daha çox ehtiyac var, gənc kadrların yetişməsinə dəstək tələb olunur. Müəyyən işlər görmüşük, davam da edirik, bu günlər 9 nəfər əməkdaşlarımız müxtəlif universitetlərin magistratura pilləsində uğurla dissertasiya müdafiə edərək magistr dərəcələri aldılar, yığdım onları təbrik etdim. Bu 2 il müddətində hər türlü dəstək verdim. İndi bir daha gənclərimizə uğurlar diləyib, elmi dərəcələrin növbəti mərhələlərində görüşmək ümidi ilə təbrik edirəm!"- İbrahim Cəfərov paylaşımda bildirib.

Bəradər Səməndərli
"Atributinfo.az"