"Son günlər Binəqədi qəsəbəsi Gülüstan küçəsi döngə 15 ərazisində kanalizasiya xəttində böyük problemlər yaranmış, kanalizasiya suları yaşayış evlərinə dolmuşdur. Ərazidə yaşayan 100-dən çox sakin bu problemlə bağlı millət vəkili Elşad Musayevə müraciət etmişdir.

Deputat Elşad Musayev sözügedən problemlə bağlı aidiyyəti qurumlar qarşısında məsələ qaldırdıqdan sonra müvafiq qurumlar tərəfindən ərazidə iş aparılır."

Milli Məclisin deputatı Elşad Musayevin rəhbərlik etdiyi BAP-ın mətbuat xidmətindən "atributinfo.az"a verilən açıqlamada bu fikirlər yer alıb. Bildirilib ki, bu gün deputatın səlahiyyətli nümayəndələri Fikrət Cəfərov və Vüqar Qasımov tapşırığa əsasən əraziyə baxış keçirib, görülən işlərlə yaxından tanış olublar.

"Qeyd edək ki, günün sonuna qədər problem öz həllini tapacaq."- Açıqlamada bildirilib.