Bu gün İnsan hüquqları komitəsinin iclasında payız sessiyasının iş planı müzakirə edildi. Bununla bağlı "atributuna.az"a açıqlamasında Milli Məclisin deputatı Razi Nurullayev deyib:
"Üç məsələ barədə fikirlərimi böıüşdüm:
Birinci, şikayətçilərlə və şikayət məktubları ilə konkret nəticələrə söykənən işin aparılması və o şikayət və məktubların dövriyyədən çıxarılması, yəni vətəndaşlarda məmuniyyətin yaradılması üçün yeni üsullardan istifadə edilməsi;
İkinci, şikayətçilər, şikayət məktubları, o cümlədən deputatlara və komitəyə daxil olan məktublarla bağlı məktub sahiblərinin iştirakı ilə dövlət orqanları ilə bərabər görüşlərin keçirilməsi və bəzi təkrar şikayətlərə birdəfəlik nöqtə qoyulması;
Üçüncü, ölkə daxilində söyüş və təhqirlərlə bağlı aidiyyatı dövlət qurumları ilə görüşlər keçirib təcrübə və təkliflərin paylaşılması; bu sahədə nəticəyə nail olmaq üçün də konkret təkliflər var.
İclasımız qarşılıqlı hörmət və anlaşma şəraitində keçdi.

Bəradər
"Atributinfo.az"