Sabirabad rayon Mərkəzi kitabxanasının təşkilatçılığı keçirilən tədbirdə Sabirabad rayon İcra Hakimiyyəti başçısı Siraqəddin Cabbarov, rayon rəsmiləri, mədəniyyət işçiləri, ictimaiyyət nümayəndələri iştirak edərək Mərkəzi kitabxananın fondunda yer alan kitablardan ibarət sərgiyə baxış keçiriblər.
"Atributinfo.az" xəbər verir ki, tədbirdə Sabirabad rayon İcra Hakimiyyəti başçısının birinci müavini Həsən Həsənov, Yeni Azərbaycan Partiyası Sabirabad rayon təşkilatının sədri Varis Rüstəmov, Sabirabad Regional Mədəniyyət İdarəsinin rəis müavini Telman Əzimov, Sabirabad rayon Gənclər və İdman İdarəsinin rəisi Nadir Quliyev çıxış edərək, Ümummilli Lider, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin siyasi fəaliyyətindən, xalqımız qarşısında tarixi xidmətlərindən danışıblar.
Tədbirin bədii hissəsində Ulu Öndərə həsr olunmuş musiqilər ifa olunub, şeirlər səsləndirilib.

Bəradər Səməndərli
"Atributinfo.az"