Sizin reklam burada
Sizin reklam burada
  • Deputat: ""2023-cü ilin dövlət büdcəsinin gəlirləri kimi xərcləri də ölkə tarixinin ən yüksək göstəricisidir

    n"Biz iqtisadi göstəriciləri yüksələn xətt üzrə inkişaf edən dövlətimizin tarixində ən böyük büdcəni müzakirə edirik. Qalib və iqtisadiyyatı güclü olan ölkənin büdcə layihəsinin müzakirəsi bir millət vəkili kimi mənə qürur verir. Fürsətdən istifadə edib bu qüruru bizlərə yaşadan cənab Prezident İlham Əliyevə təşəkkürümü bildirirəm."
    Bu fikirləri Milli Məclisin bu gün kecirilən plenar iclasında "2023-cü ilin dövlət büdcəsi haqqında" qanun layihəsinin muzakirəsi zamanı millət vəkili Məşhur Məmmədov çıxıs edərkən səsləndirdi. O, əlavə etdi ki,
    Büdcə layihəsi ilə tanış olduqda görürük ki, 2020-ci illə müqayisədə ayrılan vəsait 1 milyard manat, 2021-ci illə müqayisədə 5.9 miliyard manat çox olmuşdur.
    "2023-cü ilin dövlət büdcəsinin gəlirləri kimi xərcləri də ölkə tarixinin ən yüksək göstəricisidir. Bu da onu deməyə əsas verir ki, qarşıdakı il təkcə işğaldan azad olmuş ərazilərdə tikinti bumu ilə deyil, infrastruktur, sosial və logistika sahələrində də intibah dövrü ilə tarixə düşəcək."-deputat dedi.
    Millət vəkili çıxısı zamanı vurğuladı ki,
    Qloballaşan dünyada baş verən proseslər fonunda cənab Prezident İlham Əliyevin daim diqqət mərkəzində olan işğaldan azad edilmiş ərazilərin bərpası və “Böyük Qayıdış” planının təmin etdirilməsi 2021-cü ilin dövlət büdcəsinin layihəsində əsas istiqamətlərdən biri olub. Bu istiqamətdə dövlət büdcəsindən vəsait ayrılmasında ilbəil artım müşahidə olunur, bu da gözləniləndir. Çünki qaçqın və məcburi köçkünlərin öz doğma yurd-yuvalarına qayıtması dövlət başçısı üçün prioritetdir.
    Elə bu səbəbdən gələn il işğaldan azad edilmiş ərazilərin bərpası və Böyük Qayıdış planının təmin etdirilməsi üçün ötən illə müqayisədə büdcədən 12,4% çox vəsait ayrılacaq.
    "Sənəddən göründüyü kimi, işğaldan azad edilmiş ərazilərin bərpası və Böyük Qayıdış planının təmin etdirilməsi 2023-cü ilin dövət büdcəsinin layihəsində əsas istiqamətlərdəndir. Bu istiqamətdə dövlət büdcəsindən vəsait ayrılmasında ilbəil artım müşahidə olunur. 2023-cü ildə işğaldan azad edilmiş ərazilərin bərpası üçün 3,0 milyard manat vəsait nəzərdə tutulur. Bu da 2022-ci illə müqayisədə 12,4 % , 2021-ci iilə müqayisədə isə 37,7 % çoxdur. Ayrılan vəsait, görüləcək işlər işğaldan azad edilmiş torpaqlarımızda normal həyata qayıdışı daha da sürətləndirəcək."-deyə, deputat əlavə etdi.
    Çıxışı zamanı ölkənin müdafiə qabiliyyətinin gücləndirilməsi və milli təhlükəsizliyinin təmin edilməsi məsələsinə xüsusi diqqət ayıran M. Məmmədov bildirdi ki, bu sahə dövlət büdcəsinin əsas prioritet xərci olaraq qalmaqdadır. "Azərbaycanın güclü ordusu var. Hər birimiz zəfər qələbəsi ilə bitən Vətən Müharibəsində Müzəffər Ordumuzun nələrə qadir olduğunun şahidi olmuşuq. Güclü Ordu dövlətin diqqət və qayğısının nəticəsidir. Hər il dövlət tərəfindən dünyanın müxtəlif ölkələrində təlim keçməyə göndərilən hərbçilərimiz düşmənlərimizin qorxulu röyasına çevrilir. Vətən müharibəsində apardığı döyüş taktikası hərb dərsliklərinə salınan Ordumuzun təminatının yaxşılaşdırılması və peşəkarlığının daha da artırılması məqsədilə 2023-cü ilin dövlət büdcəsində 5,3 milyard vəsait nəzərdə tutulub ki, bu da 2022-ci illə müqayisədə 17,1 % çoxdur."
    Deputat Məşhur Məmmədov çıxısı zamanı
    ümunilikdə 2023-cü ilin dövlət büdcəsinin sosial yönümlü olaraq proqnozlaşdırılmasını dilə gətirərək dedi: -Sosial siyasət, Şəhid və Qazi ailələri ilə yanaşı aztəminatlı ailələrə, eyni zamanda xüsusi qayğı tələb edən vətəndaşlara dövlət qayğısı, müavinətlər gələn ilin büdcəsində də əsas götürülüb.
    Hazırlanan büdcə zərfinin çox ciddi bir hissəsinin sosial yönümlü olması, bir daha göstərir ki, Azərbaycan dövləti mütəmadi olaraq sosial siyasətin davamlılıq prosesində hansısa geriyə addımlar atmayacaq. Bu addım əhalinin, vətəndaşlarımızın daima dövlətin dəqqət mərkəzində olduğuna bariz bir nümünədir. Sənəddə göstərilib ki, 2023-cü ildə bu məqsədlə 15.2 milyard manat vəsait nəzərdə tutulur ki, bu da 2022-ci illə müqayisədə 1.3 milyard manat və ya 9.3% çoxdur. Bir sözlə, büdcənin 45%-ni sosial sfera əhatə edir.
    Bir nüansa da toxunmaq istəyirəm. Deputatlar büdcədən maliyyəşən investisiya layihələri ilə bağlı veriləcək qərarlar barədə bilmək istəyirlər. Bu layihələrin büdcə zərfinə daxil edilməsi şəffaflıq baxımından çox önəmlidir. Məsələn, Türkiyədə büdcədən ayrılan investisiya layihələri nəinki sektorlar, hətta bölgələr üzrə parlamentə və bütün ictimaiyyətə açıqlanır.
    Büdcə məlumatları bölglər üzrə də açıqlanmalıdır. Burda millət vəkilləri müxtəlif bölgələri təmsil edir. Bu baxımdan bizim hər birimizin təmsil etdiyimiz əraziyə büdcədən ayrılacaq təhsil, səhiyyə, sosial müdafiə, nəqliyyat və sair xərclər barədə məlumat almaq imkanımız olmalıdır.
    Ümumiyyətlə, tarazlı bölgə inkişafı Azərbaycan hökümətinin əsas prioritetlərindən biridir. Bu baxımdan “Büdcə zərfi”nə bölgələrin maliyyəşdirilməsinə dair ayrıca kitabda təqdimat olsa, bu kitabda bütün funksional xərc maddələrinin bölgələr üzrə bölgüsü ilə yanaşı, hər bir rayonda həyata keçiriləcək investisiya layihələri də əksini tapar. Ümumilikdə 2023-cü ilin dövlət büdcəsi Azərbaycan dövlətinin inkişafına xidmət edir.

    Bəradər Səməndərli
    "Atributinfo.az"-ın baş redaktoru

    • Sosial şəbəkədə paylaş
    XƏBƏR LENTİ