Türkiyə Nəqliyyat və infrastruktur nazirinin müavini Ömər Fateh Sayan türkiyəli mühəndislərin ərsəyə gətirdiyi və fiziki SİM kartların yerinə istifadə olunacaq “eSİM” texnologiyasının yaxın zamanlarda fəaliyyətə başlayacağını bildirib.
Nazir müavini bu barədə özünün “Twitter” hesabında məlumat paylaşıb.
Türkiyənin yanvar ayında GSM birliyindən lisenziya alaraq, yerli imkanlarla “eSİM” texnologiyası istehsal edən 4 ölkədən biri olduğunu deyən Ö.F.Sayan, “Tamamilə yerli imkanlarla ərsəyə gələn və adi SİM kartın əvəzləyəcək eSİM-in yaxın zamanlarda tətbiqinə başlanacaq”.