Bu gün "Paris-2024" Yay Olimpiya Oyunlarının rəsmi açılış mərasimi keçiriləcək.Sena çayında təşkil olunacaq tədbir Bakı vaxtı ilə saat 22:00-da başlayacaq.
Açılış mərasimi ilk dəfə olaraq yarışların baş tutduğu stadiondan kənarda keçiriləcək. Mərasim minlərlə idmançını daşıyan 85 gəminin Austerlitz körpüsündən hərəkəti ilə başlayacaq və 6 kilometrlik məsafəni əhatə edəcək.
Azərbaycan komandası ölkələrin paradında 16-cı sırada yer alıb. Ölkəmizin bayraqdarları cüdoçu Gültac Məmmədəliyeva və boksçu Məhəmməd Abdullayevdir. Olimpiya Oyunlarının vətəni hesab olunan Yunanıstan yığması parada birinci sırada çıxacaq. Fransa isə ev sahibi ölkə kimi sonuncu olacaq.
Olimpiadada neytral statusda yarışacaq Rusiya və Belarus idmançıları açılış mərasimində iştirak etməyəcəklər.
Azərbaycan millisi Fransa paytaxtında 48 idmançı ilə təmsil olunur. Yığma 15 idman növü üzrə 17 proqramda çıxış edəcək.
Badminton
Edi Reski Dviçayo (kişilər, fərdi)
Keişa Fatimə Zəhra (qadınlar, fərdi)
Bədii gimnastika
Zöhrə Ağamirova
Qrup hərəkətləri komandası
Ləman Əlimuradova, Kamilə Əliyeva, Yelizaveta Luzan, Güllü Ağalarzadə və Darya Sorokina
Batut gimnastikası
Selcan Mahsudova
Sərbəst güləş
Əliabbas Rzazadə (57 kiloqram)
Hacı Əliyev (65 kiloqram)
Turan Bayramov (74 kiloqram)
Osman Nurmaqomedov (86 kiloqram)
Maqomedxan Maqomedov (97 kiloqram)
Giorgi Meşvildişvili (125 kiloqram)
Yunan-Roma güləşi
Murad Məmmədov (60 kiloqram)
Həsrət Cəfərov (67 kiloqram)
Sənan Süleymanov (77 kiloqram)
Rafiq Hüseynov (87 kiloqram)
Sabah Şəriəti (130 kiloqram)
Qadın güləşi
Mariya Stadnik (50 kiloqram)
Atletika
Anna Skidan (çəkicatma)
Boks
Nicat Hüseynov (51 kiloqram)
Malik Həsənov (63,5 kiloqram)
Murad Allahverdiyev (80 kiloqram)
Alfonso Dominges (92 kiloqram)
Məhəmməd Abdullayev (+92 kiloqram)
Taekvondo
Qaşım Maqomedov (58 kiloqram)
Atıcılıq
Ruslan Lunyov (10 metr, pnevmatik tapança)
Basketbolun 3x3 növü
Qadınlardan ibarət Azərbaycan millisi
Avarçəkmə
Diana Dımçenko, (2000 metr, akademik avarçəkmə)
Triatlon
Rostislav Pevtsov
Qılıncoynatma
Anna Başta, (sablya)
Kamandan oxatma
Yaylagül Ramazanova
Üzgüçülük
Qadınlar
Məryəm Şeyxəlizadəxangah
Kişilər
Ramil Vəlizadə
Cüdo
Kişilər
Balabəy Ağayev (60 kiloqram)
Yaşar Nəcəfov (66 kiloqram)
Hidayət Heydərov(73 kiloqram
Zelim Tçkayev (81 kiloqram)
Elcan Hacıyev (90 kiloqram)
Zelim Kotsoyev (100 kiloqram)
Uşanqi Kokauri (+100 kiloqram)
Qadınlar
Leyla Əliyeva (48 kiloqram)
Gültac Məmmədəliyeva (52 kiloqram)
Qeyd edək ki, avqustun 11-dək davam edəcək Paris Olimpiadasında 206 ölkədən olan 11 minə yaxın idmançı 32 idman növü üzrə ümumilikdə 329 dəst medal uğrunda mübarizə aparacaq.