Şəmkirin Keçili kəndində mikroavtobusun su kanalına aşması nəticəsində xəsarət alan 12 nəfərdən 10-nun vəziyyəti orta-ağırdır.

Rayon Mərkəzi Xəstəxanasından verilən məlumata görə, 11-i qadın, 1-i kişi olan xəstələrdən iki nəfərin vəziyyəti ağır qiymətləndirilir.

Onlardan Samirə Məmmədova xəstəxananın reanimasiya şöbəsinə yerləşdirilib. Laləzar Hüseynovaya isə ağır kəllə-beyin travması diaqnozu qoyulub.

Faktla bağlı araşdırma davam etdirilir.