Atributinfo.az xəbər verir ki, Abşeron rayonu, Ceyranbatan qəsəbəsi ərazisində neft kəmərində baş verən sızma aradan qaldırılıb, kəmərin fəaliyyəti bərpa olunub.
Bu barədə Fövqəladə Hallar Nazirliyindən (FHN) bildiriblər.
Xatırladaq ki, hadisə gecə saatlarında baş verib.
Sızma ilə əlaqədar dərhal FHN-in Dövlət Yanğından Mühafizə Xidmətinin yanğından mühafizə bölmələri və Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyin mütəxəssisləri əraziyə cəlb olunub, aidiyyəti qurumlar məlumatlandırılıb.

/atributinfo.az/