Ağdamda daha bir mina partlayışı olub.
Fövqəladə Hallar Nazirliyindən verilən xəbərə görə, bu gün Ağdam rayonu ərazisində minatəmizləmə əməliyyatı zamanı nazirliyin Xüsusi Riskli Xilasetmə Xidmətinin Döyüş və xüsusi hazırlıq idarəsinin istehkam və pirotexniki hazırlıq şöbəsinin rəisi kapitan Süleyman Vaqif oğlu Heydərov piyada əleyhinə minaya düşüb. Nəticədə o, xəsarətlər alıb.
Təcili olaraq həkim nəzarətinə götürülən yaralıya bütün lazımi tibbi yardım göstərilir.