Rusiya Yaxın Şərqdə növbəti təhlükəli eskalasiyadan son dərəcə narahatdır.
Bu barədə Rusiya Xarici İşlər Nazirliyinin bəyanatında deyilir.
“Bölgədə növbəti təhlükəli eskalasiya ilə bağlı son dərəcə narahat olduğumuzu bildiririk. Biz dəfələrlə xəbərdarlıq etmişik ki, Yaxın Şərqdə, ilk növbədə, Fələstin-İsrail münaqişəsi zonasında məsuliyyətsiz təxribatçı hərəkətlər nəticəsində yaranan böhranın həll olunmaması gərginliyin artmasına gətirib çıxaracaq”, - nazirlikdən bildiriblər.
Rusiya XİN qeyd edib ki, İranın İsrailə hücumu BMT Nizamnaməsinin 51-ci maddəsinə uyğun olaraq özünümüdafiə hüququ çərçivəsində həyata keçirilib.
Qeyd edək ki, İran aprelin 14-də İsrailə qarşı hərbi əməliyyat keçirib. Əməliyyat zamanı İsrailə onlarla PUA və raket zərbələri endirilib.