Hörmətli Həsən müəllim!

Sizi – görkəmli dövlət xadimi, tanınmış tarixçi-alim, tarix elmləri doktoru, professor Həsən Həsənovu doğum gününüz münasibətilə səmimi-qəlbdən təbrik edirik!

Siz dövlətçilik təcrübəniz, zəngin elmi irsiniz, dərin intellektiniz və Vətənə sədaqətinizlə Azərbaycan xalqının ehtiramını qazanan nadir ziyalılardansınız. Həyat yolunuz dövlətə xidmətin, elmə bağlılığın və milli dəyərlərə sədaqətin mənalı nümunəsidir.

Elmi fəaliyyətiniz Azərbaycanın tarixinin öyrənilməsinə, milli tarixşünaslığın zənginləşməsinə və tarixi irsimizin daha dərindən dərk olunmasına mühüm töhfələr verir. Dövlətçilik fəaliyyətiniz və ziyalı mövqeyiniz isə xalqımıza xidmətin məsuliyyətini və şərəfini özündə birləşdirir.

Arzu edirik ki, ömrünüzün yeni yaşı Sizə möhkəm cansağlığı, könül rahatlığı, ailə səadəti və yeni uğurlar gətirsin. Qəlbinizdəki Vətən sevgisi, elminizə olan bağlılığınız və zəngin həyat təcrübəniz bundan sonra da neçə-neçə nəsil üçün örnək olsun.

Allah Sizi qorusun, Həsən müəllim! Ömrünüz uzun, yolunuz işıqlı, nüfuzunuz daim uca olsun. Xalqımızın tarixində və yaddaşında dəyərli iz qoyan ömrünüz yeni nailiyyətlərlə davam etsin!

Doğum gününüz mübarək! Var olun, dəyərli ziyalımız! 

Hörmət və ehtiramla

Lənkaran Dövlət Universitetinin Fizika, kimya və biologiya kafedrasının 

 müdiri, pedaqogika üzrə elmlər doktoru, professor Vidadi Orucov