Tibb bacısı ; bu söz çox böyük məna daşıyır. Belə ki, tibb bacıları demək olar ki, həkimlərlə bərabər çiyin-çiyinə xəstəliklə mübarizə aparan şəxslərdir. Onlar daimi xalq arasında olur, onların səhiyyə sahəsində çatışmayan sahələrdə özlərini göstərirlər. Yəni bir sözlə, xəstəliklə mübarizədə vətəndaşlara yaxından kömək edirlər. Eyni zamanda həmin tibb işçiləri hərbi qulluqçu kimi tanınırlar.

Belə ki, müharibə zamanı onlar səngərlərdə döyüşçülərlə bərabər olur, yaralılara ilkin xidmətlər göstərirlər və böyük təcrübə toplayırlar. Böyük Vətən müharibəsindən və yaxud 1941-1945-ci illərdə olan müharibədən danışmırıq. Faktiki odur ki, 44 günlük müharibədə və yaxud Birinci Qarabağ müharibəsində neçə-neçə tibb bacıları öz fədakarlıqlarını göstərmişdir. Bundan əvvəl COVID-19 mövcud olduğu illərdə tibb bacıları həyatlarını riskə ataraq daimi xəstələrin yanında olmuş, onlara köməklik göstərmişdilər. Bu sahədə Xəzər Rayon Mərkəzi Xəstəxanasının işçiləri xüsusilə fərqlənmişdir. O tibb bacılarından biri də Kərimova Leyladır.

Leyla xanım 1990-cı ildə əmək fəaliyyətinə başlamış, işlədiyi müddətdə daimi pasiyentlər arasında dərin hörmət qazanmışdır. Həmin 44 günlük müharibədə və yaxud COVID-19-un dövran etdiyi dövrdə o, xüsusilə fərqlənmişdir. Qarşıdan onların peşə bayramı - Tibb İşçiləri Günü gəlir. Bu münasibətlə tibb işçilərini təbrik edirik. Xəzər Rayon Mərkəzi Xəstəxanasının bütün işçilərini və eyni zamanda Leyla xanımı təbrik edir, onların işlərində uğurlar və sağlam həyat arzu edirik.

Qiyam Əsədoğlu