Bu zalım dünyada insan o zaman özünü xoşbəxt hiss edir ki, arzuları çiçək açır, ümidləri işıq saçır, uğurlara imza atır, nəhayət hədəfllərinə qovuşur. Bu xoşbəxtlik açarına yiyələnmək isə hər kəsdən güclü iradə, qətiyyət və cəsarət tələb edir. Heç şübhəsiz hədəfi seçmədən və ona can atmadan mübarizə meydanına atılmaq döyüşə silahsız girmək qədər uğursuzluqdur. Bir də gərək hədəfi düzgün seçəsən, nəyə qadir olduğunun fərqində olasan. Bacarmadığın sahəyə meyil etmək özünü aldatmaq qədər ağılsızlıqdır. Ya gərək seçdiyin peşəyə doğulasan, ya da gərək həmin peşə içindən doğula.
Qısa müddətdir ki, tanıyıb dostluq etdiyim Ramilə Dadaş qızı Eminli (Ramilə Sultan) Fövqəladə Hallar Nazirliyinin ictimaiyyətlə əlaqələr şöbəsinin rəhbəri vəzifəsində çalışır. Onun sosioloji və politoloji zəkası, imtahan dolu həyata ciddi baxışları, ictimai aləmdə baş verən hadisələri, hərəkət və hərəkətsizlikləri düzgün analiz edərək mükəmməl nəticəyə gəlməsi yüksək təfəkkür və idrak sahibi olmasından xəbər verir. Məhz bu kimi zəngin təcrübənin elmi əsaslarına yiyələnmək arzusu haqlı olaraq Ramilə xanımın qəlbində baş qaldırdığıdan hədəfə doğru mübarizə meydanına atılaraq bu günlər yüksək uğura sahibləndi.
Bəli, Ramilə Eminli (Ramilə Sultan) sənədlərini Azərbaycan Respublikasının Prezidenti Yanında Dövlətçilik Akademyasına verərək dövlət imtahandan müvəffəqiyyətlə keçdi və siyasi idarəetmə fakültəsində qəbul olaraq tələbə adını qazandı. Heç nə ilə əvəz oluna bilməyəcək bu sevincə "Atribut" qəzetinin və "atributinfo.az"ın yaradıcı kollektivi adından qoşulur, Ramilə xanımı ürəkdən təbrik edir, ona bu şərəfli yolda davamlı uğurlar, parlaq gələcək arzulayıram.

Bu uğur, bu sevinc nəticələrdi,
Hədərə getmədi şükür, əməyin.
İşıqlı sabahlar gözləyir səni,
Gələcək sənindir, sən gələcəyin.

Çiçərib çıxacaq, bəhər verəcək,
Çəkdiyin zəhmətin, əkdiyin dəndir.
Boyük bir hikmət var yaranışında,
Adının mənası uzaqgörəndir.

İdrakı, zəkanı, əqli, kamalı
Həyat qarşılayır ehtiram ilə.
Tələbə adını təbrik edirəm,
Kollektiv adından, gözəl Ramilə!

Bəradər Səməndərli
"Atribut" qəzetinin və
"atributinfo.az"ın baş redaktoru