Atributinfo.az xəbər verir ki, Qırğızıstanın Xalq yazıçısı Çingiz Aytmatovun xatirəsinin əbədiləşdirilməsi məqsədilə elan olunmuş heykəltəraşlıq müsabiqəsinin qalibləri müəyyən olunub.
Mədəniyyət Nazirliyindən bildiriblər ki, Ç.Aytmatovun xatirəsinin əbədiləşdirilməsi məqsədilə nazirlik tərəfindən heykəltəraşlıq müsabiqəsi keçirilib.
Müsabiqədə ölkəmizin heykəltəraşları tərəfindən 21 əsər təqdim olunub.
Təsdiq olunmuş işlərin dəyərləndirilməsi və müsabiqənin yekun nəticələrinin müəyyən olunması məqsədilə nazirliyin nəzdində fəaliyyət göstərən Ekspert Komissiyası tərəfindən qaliblər seçilib. Nəticələrə əsasən, 1-ci yeri Natiq Əliyev, 2-ci yeri Nurəli Şahbazov, 3-cü yeri İlqar Ağaşov tutub.

/atributinfo.az/