Xəbər verdiyimiz kimi, bu səhər Bakı-Gəncə sürət qatarı yolda dayanan zaman əməkdar artist Abbas Bağırov da orada olub.
Müğənni bununla bağlı paylaşım edib. O, hazırda Bakıya çatdığını bildirib:
"Əziz dostlar, sağ-salamat gözəl Bakımıza yüksək komfortla, gözəl xidmətlə, gülərüzlü xidməti heyətlə gəlib çatdıq. Narahat olmayın, qatar 7 saat yox, 7 dəqiqə ləngidi. Bu, böyük problem deyil. Adi öz avtomobilinizlə də uzaq yol gedəndə müəyyən ləngimələr olur. Əsas sağlıq olsun, böyük problemlər olmasın. Təməli gözəl qoyulan işin gələcəyi də gözəl olmalıdır".