"Qafar Abbasov iflic keçirib, güclə danışır. Həyacan və qorxu olanda isə heç danışa bilmir. Ən azından mən onun səsini eşidə bilmədim. 6 ay öncə əlilliklə bağlı komissiyada olub, deyiblər ki, müalicə olun altı aydan sonra gələrsən."
Bunu "atributinfo.az"-a açıqlamasında Milli Məclisin deputatı Razı Nurullayev bildirib. O, əlavə edib ki, aidiyyatı qurumların işlərinə tam doğru-dürüst məlumata malik olmadan qarışmaq istəməzdim, amma reallıq da var axı. Bu kişinin 63 yaşı var, taksi sürüb dolanıb. İndiki vəziyyəti ilə maşına da tək minib düşə bilmir:
"Onsuz da qocalıq pensiyasına çıxmaq üçün iki ili qalıb. 63 yaşı var. Daha çək-çevirə salmağa heç bir ehtiyac yoxdur. Köməkçim Ehtiram Mehdiyev də artıq təlimat alıb ki, Qafar kişinin sağlamlıq durumunun qiymətləndirilməsində iştirak etsin."- Deputat deyib.

Bəradər
"Atributinfo.az"