Peyman Dejbani Gəbəlu

Elinən

Palaza bürünüb elinən sürün
Bü sirrin hikmətin bilsən ,elinən
Ağac öz səmtinə aşar deyiblər
Gər qalsan elinən, ölsən elinən

Zamanın tarının zili bəmi var
Kimsəyə sevinci,kimə qəmi var
Yaşayışın deyim hər bir dəmi var
Ağlasan elinən, gülsən elinən

Ay Peyman elinə öyünməlisən
Onun qarşısında baş əyməlisən
Qəm kədərin olsa tək yeməlisən
Sevincini gərək bölsən,elinən

Alışıqdan

Sənət aləmində söz dünyasında
Ayırdım özümə iz
Tutmaram qeyrnə üz alışıqdan

Vətəndə hörmətli,El içrə əziz
Kəmalatda umman şeirdə dəniz
Gəlin itirməyək alışıqı biz
Gəlin götürməyək göz alışıqdan

Şeiriyət oğrunda qayğılar çəkib
Matahı gohərdir bazara töküb
Qarşısında oğul_qızlar diz çöküb
Yüzdə dərs alıblar yüz alışıqdan

Peymanam etmişəm adını əzbər
Odur bu sənətdə mərde por hünər
Qələm tam quruyar qurtarar dəftər
Amma heç qurtarmaz söz alışıqdan

Gözəl

Zülfünü yan dara məh cəmalından
Zülmətin bağrını yara dan gözəl
Səni incə gülüş xumar baxışla
Nə gözəl yaradıb yaradan gözəl

Hicranın qəmindən oldumu şikəstə
Ay ləbləri qönçə dəhanı püstə
Ömrümü yaşatdin hər an can üstə
Dərdi ürəyimdə yaradan gözəl

Əzəl mələyimsən,nazlı cananım
Eşqin məzhəbində dinim imanım
Peymanam sevgilim bu xəstə canım
Sağalmır sən vuran yaradan gözəl

Qalası oldun

Atdın eşqimizi uydun əğyara
Bir qəlbi daş zalim balası oldun
Nakam sevgimizə könül vermədin
Özgənin könlünü alası oldun

Əl çəkdin ay gözəl, şah ürəyimdən
Gah səndən incidim qah ürəyimdən
Qaldırrdın göylərə ah ürəyimdən
Həsrətin yıxılmaz qalası oldun

Eşqinin çiçəyi qəlbimdə solmaz
Bir kimsə könlümdə yerini almaz
Dedim vüsal edək, dedin ki olmaz
Ayrılıq sazını calası oldun

Bal - qaymaq dil - dodaq, şirin sözünlə
Ruhumu apardın ay qız özünlə
O süzgün baxışla, Xumar gözünlə
Canımı odlara salası oldun

Sənlə ötən həftə gözəl, ay gözəl
Gözlərimdə yoxdu sənə tay gözəl
Ömür boyu xeyrin olsun ay gözəl
Peymanın qəlbində qalası oldun.