Məlum olduğu kimi, sentyabrın 13-də Azərbaycan Mətbuat Şurasında jurnalistlərin "COVID-19" infeksiyası əleyhinə növbəti vaksinasiyası keçiriləcək. Vaksinasiya saat 10.00-dan 16.00-dək davam edəcək. KİV rəhbərləri və jurnalistlərdən sağlamlığımız üçün mühüm əhəmiyyət daşıyan aksiyaya həssas yanaşmağı xahiş edirəm.
O da məlumdur ki, hazırda respublikamızın müxtəlif şəhər və bölgələrindəki tibb müəssisələrində vətəndaşların vaksinasiyası həyata keçirilir. Jurnalistlər də eyni qaydada peyvənd oluna bilərlər. Mətbuat Şurasının TƏBİB-lə birgə reallaşdırdığı bu aksiya isə sırf ona hesablanıb ki, media təmsilçiləri vaksin növbələrində vaxt itirməsinlər. Buna görə bir daha KİV rəhbərləri və jurnalistlərdən xahiş edirəm ki, məsələyə həssas yanaşsınlar. Yaşı 18-dən yuxarı olan və peyvənd olunmamış əməkdaşlarının siyahısını Şuraya təqdim etsinlər.