Azərbaycanın aqrar elmi və ali təhsil tarixində silinməz iz qoymuş tanınmış alim, kənd təsərrüfatı elmləri doktoru, professor, AMEA-nın müxbir üzvü İbrahim Həsən oğlu Cəfərov uzun illər ərzində göstərdiyi səmərəli fəaliyyət, zəngin elmi irs və müasir idarəçilik bacarığı ilə ölkənin aqrar inkişaf salnaməsində xüsusi yer tutan nüfuzlu ziyalılardan biri kimi qəbul edilir.Elm, təhsil və dövlətçilik prinsiplərinə sadiqliyi ilə seçilən professor İbrahim Cəfərov fəaliyyətinin bütün mərhələlərində Azərbaycan kənd təsərrüfatının inkişafını, elmi potensialın gücləndirilməsini və yüksək ixtisaslı mütəxəssislərin hazırlanmasını əsas prioritet hesab edib. Onun rəhbərlik etdiyi dövrlərdə həyata keçirilən təşəbbüslər aqrar təhsilin müasirləşdirilməsi, elmi tədqiqatların genişləndirilməsi və beynəlxalq əməkdaşlığın inkişafına mühüm töhfələr verib.
Bitki mühafizəsi və fitopatologiya sahəsində apardığı fundamental tədqiqatlar professor İbrahim Cəfərovu ölkənin aparıcı alimlərindən birinə çevirib. Onun müəllifi olduğu çoxsaylı elmi əsərlər, monoqrafiyalar və metodik vəsaitlər bu gün də aqrar sahədə çalışan mütəxəssislər və gənc tədqiqatçılar üçün dəyərli elmi mənbə hesab olunur.
Azərbaycan Dövlət Aqrar Universitetinə rəhbərlik etdiyi dövrdə ali təhsil ocağının inkişafı istiqamətində həyata keçirilən yeniliklər, maddi-texniki bazanın möhkəmləndirilməsi, müasir laboratoriyaların yaradılması, beynəlxalq əlaqələrin genişləndirilməsi və innovativ layihələrin dəstəklənməsi universitetin nüfuzunun artmasına müsbət təsir göstərib. Məhz həmin dövrdə universitetdə elm və təhsilin inteqrasiyasına xüsusi diqqət yetirilib, tələbələrin müasir bilik və bacarıqlara yiyələnməsi üçün yeni imkanlar yaradılıb.
Professor İbrahim Həsən oğlu Cəfərov həm də gənc alimlərin və gələcəyin mütəxəssislərinin yetişdirilməsinə xüsusi önəm verən elm təşkilatçısı kimi tanınır. Onun rəhbərliyi altında yetişən çoxsaylı elmi kadrlar bu gün ölkənin müxtəlif ali təhsil və elmi-tədqiqat müəssisələrində uğurla fəaliyyət göstərərək Azərbaycan elminin inkişafına öz töhfələrini verirlər.
Onun peşəkarlığı, zəhmətkeşliyi və dövlət maraqlarına sadiqliyi həm elmi ictimaiyyət, həm də aqrar sektorun nümayəndələri tərəfindən yüksək qiymətləndirilir. İllər ərzində qazandığı nüfuz, rəhbərlik etdiyi kollektivlərdə formalaşdırdığı sağlam iş mühiti və elmə verdiyi töhfələr professor İbrahim Cəfərovun adını Azərbaycan aqrar elminin görkəmli simaları sırasında ön sıralara çıxarıb.
Bu gün də professor İbrahim Həsən oğlu Cəfərovun zəngin təcrübəsi, elmi baxışları və strateji düşüncəsi aqrar sahənin inkişafı baxımından qiymətli hesab olunur. Onun fəaliyyəti elmə bağlılığın, vətənpərvərliyin və peşəkarlığın parlaq nümunəsi kimi qiymətləndirilir.
Telexeber.az hesab edir ki, Azərbaycan aqrar elminin inkişafına böyük töhfələr vermiş professor İbrahim Həsən oğlu Cəfərovun fəaliyyəti yüksək dəyərə layiqdir. Elmə, təhsilə və milli kadr potensialının formalaşmasına xidmət edən belə ziyalıların zəngin irsi gələcək nəsillər üçün də örnək olaraq qalacaq.