Müşfiq Məmmədli
millət vəkili

Quba rayonunun Qonaqkənd qəsəbəsində baş vermiş sürüşmə nəticəsində yaranmış təbii fəlakətin fəsadlarının aradan qaldırılması istiqamətində müvafiq tədbirlər həyata keçirilmişdir. Alternativ yolun açılması texnika vasitəsilə təmin edilmiş, əhalinin zəruri ehtiyacları üçün nəqliyyat vasitələrinin hərəkəti təşkil olunmuşdur. Qonaqkənd əhalisinin ərzaq məhsulları ilə təmin edilməsi yerli və mərkəzi icra hakimiyyəti orqanlarının birgə fəaliyyəti nəticəsində həyata keçirilmişdir. Eyni zamanda, seçicilərimiz olan sakinlərlə görüş zamanı sakinlərin müraciətləri dinlənilmiş, onları narahat edən məsələlər yerində araşdırılmış və qaldırılan problemlərin həlli istiqamətində aidiyyəti qurumlara müraciətlər edilmişdir.