"Ali Avrasiya İqtisadi Şurasının mayın 25-də Moskvada keçirilən geniş tərkibdə iclasında Azərbaycan Prezidenti cənab İlham Əliyev qonaq qismində, Rusiya Prezidenti Vladimir Putinin dəvəti ilə iştirak edib. Dövlət başçısı İlham Əliyev çıxışında bildirib: “Qeyd edim ki, Azərbaycan ikitərəfli formatda, Ermənistan istisna olmaqla, Avrasiya İqtisadi Birliyinə üzv ölkələrlə sıx əlaqələrə malikdir. Azərbaycanın həmin ölkələrlə 5 milyard dollara yaxın ticarət dövriyyəsi var. Bu gün Azərbaycanın güclü iqtisadiyyatı var, bizim heç kimin dəstəyinə ehtiyacımız yoxdur. Bu da bizə imkan verir ki, xarici siyasətimizi uğurla həyata keçirək”. Onun sözlərinə görə, Azərbaycan Şərq-Qərb, Şimal-Cənub nəqliyyat dəhlizlərinin fəal iştirakçısıdır."
Bu fikirləri "Atributinfo.az"-a açıqlamasında
Göygöl RİHB Aparatının Ərazi idarəetmə və yerli özünüidarəetmə orqanları ilə iş şöbəsinin müdiri Namiq Cəfərov söyləyib. O, əlavə edib ki, Zəngəzur dəhlizi region ölkələrinin tranzit potensialını yüksəldir və nəqliyyat sahəsində yeni imkanlar açır:
"Azərbaycan müasir nəqliyyat-tranzit infrastrukturuna malikdir.
İclasda Ermənistanın baş naziri Nikol Paşinyan Zəngəzur dəhlizi ilə bağlı məsələyə cavab verməyə çalışdı. Ancaq cavab çox uğursuz oldu. Prezident İlham Əliyev onun bütün suallarına konkret və dəqiq cavab verdi. Onu da qeyd edək ki, Rusiya prezidenti də Azərbaycanın mövqeyini dəstəkləyəcək açıqlamalarla çıxış etdi. Bu da xüsusi önəm və əhəmiyyət daşıyan məsələdir. Bununla da Azərbaycan öz siyasi mövqeyini daha da möhkəmləndirdi və gücləndirdi."- Namiq Cəfərov bildirmişdir.

Bəradər
"Atributinfo.az"