Milli Məclisin sədr müavini, parlamentin Gənclər və idman komitəsinin sədri Adil Əliyevin rəhbərliyi ilə parlament nümayəndə heyəti aprelin 27-də Gürcüstanın Tbilisi şəhərinə səfər edəcək. Atributinfo.az-a Milli Məclisin Mətbuat və ictimaiyyətlə əlaqələr şöbəsindən verilən məlumata görə, nümayəndə heyətinə Milli Məclisin Gənclər və idman komitəsinin sədr müavini Şahin İsmayılov və deputat Cəbi Quliyev daxildirlər.
Deputatlar Tbilisidə Ümummilli Lider Heydər Əliyevin 100 illik yubileyinə həsr olunmuş tədbirlərdə iştirak edəcək, o cümlədən Gürcüstan parlamentində bir sıra görüşlər keçirəcəklər.
Səfər aprelin 30-da başa çatacaq.