Tovuz Xeyriyyə Cəmiyyətinin sədr müavini Çingiz Abbasov və professor Yusif Əhmədov Kəlbəcər Şəhidlər Xiyabanını ziyarət ediblər.

"Atributinfo.az" xəbər verir ki, ziyarət zamanı şəhidlərin məzarları önünə gül dəstələri qoyulub, onların əziz xatirəsi ehtiramla yad edilib, ruhlarına dualar oxunub.
 30 ilə yaxın müddət ərzində işğal altında qalan torpaqlarımızın azadlığı uğrunda canlarından keçən qəhrəman şəhidlərimizin əziz xatirəsi daim qəlbimizdə yaşayacaq. Onların göstərdiyi misilsiz qəhrəmanlıq xalqımızın yaddaşından heç vaxt silinməyəcək.
Allah bütün şəhidlərimizə rəhmət eləsin, qazilərimizə cansağlığı versin! Yaşasın Azərbaycan Ordusu! Yaşasın Azərbaycan!

Bəradər Səməndərli
"Atributinfo.az"