Sizin reklam burada
Sizin reklam burada

Poqbanın "Mançester Siti"yə keçməkdən imtina etməsinin səbəbi açıqlanıb

Poqbanın "Mançester Siti"yə keçməkdən imtina etməsinin səbəbi açıqlanıb "Mançester Yunayted"in və Fransa millisinin yarımmüdafiəçisi Pol Poqba "Mançester Siti"yə keçməkdən imtina edib.
Bu barədə "The Times" qəzeti yazır.
Nəşr iddia edir ki, 28 yaşlı yarımmüdafiəçi "şəhərlilərin" düşərgəsinə keçməyə çox yaxın olub, hətta müqavilə belə razılaşdırılıb. Lakin Poqba son anda “qırmızı şeytanlar” azarkeşlərinin reaksiyasından çəkinərək fikrini dəyişib və “Siti”yə keçməyib.
Poqba "Mançester Siti" ilə əlaqə saxlayaraq "Yunayted"dən ayrılacağı təqdirdə İngiltərədən kənarda oynayacağını bildirib. Məlumata görə, Turin "Yuventus"u futbolçunun geri dönüşündə maraqlıdır.
Poqbanın "Mançester Yunayted"lə müqaviləsi 30 iyun 2022-ci ildə başa çatacaq. O, "qırmızı şeytanların" heyətində 2016-cı ildə oynamağa başlayıb.

  • Sosial şəbəkədə paylaş
XƏBƏR LENTİ