Fövqəladə Hallar Nazirliyi (FHN) Xətai rayonunda bir neçə ticarət obyektindəki yanğınla bağlı məlumat yayıb.Nazirlikdən verilən məlumata görə, Bakı şəhərinin Xətai rayonunda bir-birinə bitişik, ümumi sahəsi 1500 m² olan birmərtəbəli 12 ədəd müxtəlif təyinatlı satış mağazalarının və 1 ədəd kafenin yanar konstruksiyaları 500 m² sahədə, yaxınlıqdakı yaşayış binasının 1-ci mərtəbəsində ümumi sahəsi 20 m² olan mağazanın plastikdən ibarət qapısı və içərisində olan 5 ədəd kompyuter qismən, həmçinin 1-ci və 2-ci mərtəbələrində quraşdırılmış 5 ədəd kondisioner kompressoru, 6 ədəd plastik pəncərə çərçivəsi, iki mənzilin eyvanına və binanın xarici divarına çəkilmiş lambirdən ibarət üzlük ümumilikdə 27 m² sahədə yanıb.
Obyektlərin qalan hissəsi və yaşayış binası yanğından mühafizə olunub.