16 avqust 2026-cı ildə general-mayor, Azərbaycan SSR-in əməkdar hüquqşünası, Azərbaycan Respublikası milli təhlükəsizlik nazirinin müavini – Sərhəd Qoşunlarının komandanı (1994–2001), Qərbi Azərbaycan İcmasının Ağsaqqallar Şurasının üzvü Abbasəli Ramazan oğlu Novruzov vəfat edib.

Abbasəli Novruzov 25 may 1937-ci ildə Qərbi Azərbaycanın Dərələyəz mahalının Zeytə kəndində anadan olub.

O, uzun illər sərhəd mühafizəsi və dövlət təhlükəsizliyi orqanlarında müxtəlif məsul vəzifələrdə çalışıb, Zaqafqaziya Sərhəd Dairəsinin Kəşfiyyat İdarəsinin rəis müavini, Əfqanıstanda Sərhəd Qoşunları üzrə baş müşavir kimi fəaliyyət göstərib.

1994-cü ildə Prezident Heydər Əliyevin sərəncamı ilə Azərbaycan Respublikası milli təhlükəsizlik nazirinin müavini – Sərhəd Qoşunlarının komandanı təyin olunan Abbasəli Novruzov müstəqil Azərbaycanın dövlət sərhədlərinin mühafizəsinin möhkəmləndirilməsinə və Sərhəd Qoşunlarının inkişafına mühüm töhfələr verib.

Xidmətlərinə görə “Azərbaycan Bayrağı” və “Şöhrət” ordenləri, eləcə də bir sıra medallarla təltif olunub.

Allah rəhmət eləsin! Ruhu şad olsun!

Mircəlil Qasımlı
millət vəkili