Azərbaycan Kooperasiya Universitetinin “Mühasibat uçotu və audit” kafedrasının dosenti və AMEA-nın “İqtisadiyyat İnstitutunun aparıcı mütəxəssisi, iqtisad üzrə fəlsəfə doktoru İbrahimov Şahraz Müzəffər oğlu vəfat etmişdir.
Ş.İbrahimov 29 may 1952-ci ildə Qərbi Azərbaycanın Vurğun kəndində anadan olmuşdur.
1977-ci ildə Azərbayca Texniki Univrersitetinin “Mühəndis-texnoloq ixtisasını, 1991-ci ildə Azərbaycan Xalq Təsərrüfatı İnstitutunun “İqtisadçı” ixtisasını bitirmişdir.
1992-ci ildə “Sahə iqtisadiyyatı” üzrə “Məhsulun keyfiyyətinin yüksəldilməsinin planlaşdırılması və onun istehsalının səmərəliliyinə təsiri” mövzusu üzrə dissertasiyasını müdafiə edərək, iqtisad elmləri namizədi elmi dərəcəsinə layiq görülmüşdür.
2008-ci ildə Ali Attestasiyası Komissiyası tərəfindən dosent elmi dərəcəsinin diplomunu almışdır.
1973-cü ildən istehsalatda müxtəlif vəzifələrdə, o cümlədən, 2003-cü ildən 2011-ci ilə qədər Sumqayıt Dövlət Universitetində müəllim və “Mühasibat uçotu və audit” kafedrasının müdiri vəzifəsində işləmişdir.
2010-cu il tarixdən 19 mart 2020-ci il tarixinədək AKU-nun “Mühasibat ucotu və audit” kafedrasında dosent kimi fəaliyyət göstərmişdir.
Azərbaycan Kooperasiya Universitetinin professor və müəllim heyəti Universitetin “Mühasibat uçotu və audit” kafedrasının dosenti, AMEA-nın İqtisadiyyat İnstitutunun aparıcı mütəxəssisi İbrahimov Şahraz Müzəffər oğlunun vəfatından kədərləndiklərini bildirir və əzizlərinə dərin hüznlə başsağlığı verirlər.
Allah rəhmət eləsin!