Oruc Dadaşi Elman,
Cənubi Azərbaycan

GÖZƏLDİR

Bir gözəlin, gözlərindən nə yazım
Ay, günəş dək, baxması da gözəldir
Könlümdə gül açan, çiçəkli yazım
Kəklik kimi qalxması da gözəldir

Qoynu cənnət, tər çiçəyin fəslidir
Bənövşənin, qızılgülün əslidir
Durna boğaz bir saz kimi səslidir
Bulaqlar dək axması da gözəldir

Könül sevən, gözəlliyin özüdür
Talehə bax, eşqin yanar közüdür
Məni candan, edən xumar gözüdür
İldırım dək çaxması da gözəldir

Qoynun görən gözlər, göz əldən verər
Varlğını ona göz, əldən verər
Allah payın versə, gözəldən verər
Esqin cana yaxması da gözəldir

Məhəbbətin, cana gözdən yağdırır
Yandıranda, odun közdən yağdırır
Elman dərdin, şirin sözdən yağdırır
Oxlarının taxması da gözəldir