Sizin reklam burada
Sizin reklam burada

Səadət Qərib

Səadət Qərib

Səadət Qərib

GÖZLƏ, MƏN DÖNƏCƏYƏM
/Əsgərin dilindən/

Xalqımın dik duruşu ,
Milli qürurumuzdur.
Qəlbi Azərbaycanın
Qarabağ yurdumuzdur.

Daha nəfəs alırıq
Böyük zəfərimizlə.
Üzün gülsün Qarabağ ,
Qürur duy, sevgimizlə.

Ədalət vulkanıyam
Haqq püskürən biriyəm.
Mən fəxr eləyirəm ki,
Elimin əsgəriyəm.

Bizimkidir bu gözəl
Azərbaycan torpağı.
İşğalçı düşmənlərə
Verdik böyük göz dağı.

Gözləyir hər əsgəri
Sevgilisi, anası.
Gözləri qapıdadır
Dönəcəkdir balası.

Gözlə mən gələcəyəm
Əli göydə olanım,
Gecələr sübhə kimi,
Gözü yolda qalanım.

Nigaran olma məndən,
Sənə qurban bu canım.
Qələbəylə dönürəm
Anam Azərbaycanım.

ŞƏHİDIN DİLİNDƏN

Ağlama, ay ana , qurbanın olum
Oğlun ucalıbdır şəhid adına.
Bircə gözyaşına dözə bilmirdim,
İndi necə çatım sənin dadına.

Hər zaman, söz açıb özün deyərdin,
Vətənçün fədakar olmaq gərəkdir.
Indi unutmusan, göz yaşın durmur,
Ağlama, ana can, bu bir şərəfdir.

Daha çox düşməni məhv edəcəkdim,
Bu yolu könüllü özüm seçmişdim.
Xocalı zülmünün qisası üçün
Yüz kərə, min kərə mən and içmişdim.

Hələ Qarabağım gözləyir bizi,
Bu ad yaddaşların əbədi rəsmi.
Ağlama, ana can, belə düşün ki,
Oğlun ölməyibdir, getsə də cismi.

Şəhid anasısan məğrur dayan sən,
Fəxr elə oğlunla, bu bir zinətdir.
Vətənçün, torpaqçün ölən hər kəsə,
Əbədi mükafat -yeri cənnətdir.

VERMƏRİK QARABAĞI

Quduzlaşmış yağılar
Şəhərimə əl atdı.
Gəncəmin yuxusuna
Xainlər haram qatdı.

Körpə Məryəm, Nigartək
Neçə canlar aldılar.
Neçə Fidan balanın
Həyatını çaldılar.

Anasını axtaran
Nilaylar, Bəxtiyarlar.
Aysun, deyib hıçqırdı,
Qəlbi dağlı atalar.

Sevincin gözlərində
Kədər,qəm yuva saldı.
Qardaşı Hüseyinlə...
Ata- anasız qaldı.

Neçə yol vurulsa da,
Tərtərimiz, Bərdəmiz.
Yenə də sönən deyil,
Bu Vətənə sevgimiz.

Yıxılmaz ulu Gəncəm,
Şərəfsiz gülləsiylə.
Ayaqdadır Bərdəmiz,
Qələbə nəğməsiylə..

Daim artır gücümüz,
Mərd xalqın birliyiylə.
Azərbaycan fəxr edir,
Bir ordu millətiylə.

Ana kimi, yar kimi,
Sevirik bu torpağı.
Canımızı verərik,
Vermərik Qarabağı.

ZƏFƏR ƏTIRLI QƏHRƏMAN
(Qəhrəman şəhidimiz Yüksəl Əlizadənin xatirəsinə)
Sən daim qəlbimizdə yaşayacaqsın

Gəncəmizin mərd Yüksəli
Ucalmısan zirvələrə.
Heç bilmədin qorxu nədir,
Sinə gərdin güllələrə.

Şərəfli ad daşıyırsan,
Tarixlərdə qalacaqsan!
Ürəklərdə yaşayaraq
sönməz məşəl olacaqsan!

Böyük Vətən savaşında
Hayqırdın ki, mən də varam...
Azərbaycan mənim elim,
Hər daşını qoruyaram...

Çatdin elin harayına,
könüllülər sırasında.
Şücaətlə ad qazandın
yaşıdların arasında.

Neçə yaralı əsgəri
daşıdın öz kürəyində
Neçə arzu, diləyini
apardın öz ürəyində.

Vətənimin iğid oğlu
Heç bir şeydən çəkinmədin.
Düşdün ölüm sınağına,
Yenə yolundan dönmədin.

Vətən üçün candan keçib,
Əbədiyyətdə doğuldun.
Qaranlıqdan sabahlara
Daim doğan Günəş oldun!

Allah dərgahında özün
Vətən boyda uca dağsan.
Zəfər ətirli, qəhrəman
Azərbaycan, Qarabağsan!!!

Şəhid VÜSAL Allahverdiyevin əziz xatirəsinə

Turan sevdalısı qəhrəman Vüsal
Bağlıydı yurdunun torpaq, daşına
Vətəni qorumaq borcumdur deyib
könüllü üz tutdu haqq savaşına.

Hələ 5 yaşından dilində əzbər
İgidlik nəğməsi,vətən kəlməsi.
Çirpındıqca qəlbi Qaradəniztək
Böyüdü içində türklük sevgisi..

"Ağlasan ay ana məndən incimə"..
Vida görüşündə bunu söyləmiş.
Şəhidlik zirvəsi arzu, diləyi
Sən demə, arzuya doğru gedirmiş.

Odlar diyarımın qeyrətli oğlu
Qarabağ uğrunda qəhrəman oldun!
Qələbə libasın geyib əyninə
Tarixdə yaşayan bir dastan oldun!!!



  • Sosial şəbəkədə paylaş
XƏBƏR LENTİ