01.09.1954.
01.09.2026.
RUHUN ŞAD OLSUN, PAPA.

Ömrümün bu yaşı

Ömrümün bu yaşı incidir məni,
Atamın son ömür yaşıdır məndə.
Çatmışam 45-ə, atam çatmadı,
Yaşım da başımın daşıdır məndə.

Ürək açılmadı bu yaşımda da...
Yaş elə ötür ki, izin də almır.
Mən elə bilirdim illər keçdikcə,
İstəklər çin olur, bu yaşa qalmır.

Atamla arzudan qurardıq qala...
İndi o günlərim aslı xəyaldan.
Notların ahəngin pozur niskillər,
Küsür melodiya daha röyaldan.

Yuxuma gəlməyir niyə, nə vaxtdır,
Yuxum da inciyir gəlməz röyadan.
Bilməzdim üzünə həsrət qalaram,
Həsrətim asılar daşdan, qayadan.

Hicran Fuad Əhmədli