"23 may 2025-ci il tarixində Gürcüstanın Müstəqillik Günü münasibətilə keçirilmiş rəsmi qəbulda iştirak etdim. Tədbirdə Azərbaycan Respublikası Milli Məclisinin sədri hörmətli Sahibə Qafarova çıxış edərək Gürcüstan dövlətinə və xalqına Azərbaycan Respublikasının Prezidenti cənab İlham Əliyevin səmimi təbriklərini və xoş arzularını çatdırdı."

Bunu "atributinfo.az"a açıqlamasında Milli Məclisin deputatı Müşfiq Məmmədli deyib. O, əlavə edib ki, çıxışda qeyd olunduğu kimi, Azərbaycan ilə Gürcüstan arasında dostluq və mehriban qonşuluğa əsaslanan münasibətlər dərin tarixi köklərə malikdir və bu əlaqələr bu gün də strateji tərəfdaşlıq ruhunda inkişaf etməkdədir.

"Dövlətlərimiz arasında qarşılıqlı etimada və hörmətə əsaslanan münasibətlər Cənubi Qafqaz regionunda sülh və sabitliyin möhkəmləndirilməsində mühüm rol oynayır.
Bu əlamətdar gün münasibətilə Gürcüstan dövlətinə davamlı inkişaf, xalqına isə əmin-amanlıq və firavanlıq arzu edirəm."- Deputat deyib.

Bəradər Səməndərli
"Atributinfo.az"