Bu gün UEFA Çempionlar Liqasında növbəti finalçı bəlli olacaq.

Yarımfinal mərhələsinin cavab oyununda Fransanın PSJ klubu Almaniyada “Bavariya”nın qonağı olacaq.

“Alyans Arena”da keçiriləcək qarşılaşma Bakı vaxtı ilə saat 23:00-da başlayacaq. Görüşü portuqaliyalı FIFA referisi Joau Pineyru idarə edəcək. Komandaların ilk duelində Paris təmsilçisi 5:4 hesablı qələbə qazanıb.

Qeyd edək ki, bu cütün qalibi finalda İngiltərənin “Arsenal” komandasının rəqibi olacaq. Həlledici görüş mayın 30-da Macarıstanın paytaxtı Budapeştdə keçiriləcək.