Bu gün Tailandın paytaxtı Banqkokda qadınlar arasında basketbolun 3x3 növü üzrə FIBA Çempionlar Kubokuna start veriləcək.

Turnirdə debüt edən Azərbaycan millisi də ilk oyunlarını keçirəcək. Yığma B qrupunda Bakı vaxtı ilə saat 13:20-də Kanada ilə, 16:05-də isə ev sahibi Tailandla qarşılaşacaq.

Millimiz qrupdakı son matçına isə martın 14-də çıxacaq. Rəqib İspaniya seçməsi olacaq.

Qeyd edək ki, turnirin qalibi Olimpiya Təsnifat turnirinə lisenziya qazanacaq.