Atributinfo.az xəbər verir ki, Türkiyənin "Çaykur Rizespor" komandası "Qarabağ" klubun üzvü Kevin Medina ilə razılığa gəlib.
Bu barədə türkiyəli jurnalist Ertan Süzgün özünün tviter səhifəsində paylaşım edib.
O, bildirib ki, kolumbiyalı futbolçu "Ağdam" klubunun iyulun 11-də Cəbəllütariqdə "Linkoln"a qarşı keçirəcəyi UEFA Çempionlar Liqasının I təsnifat mərhələsinin ilk oyunundan sonra Qara dəniz təmsilçisinin düşərgəsinə qoşulacaq.
30 yaşlı futbolçu İstanbulda tibbi müayinədən keçdikdən sonra rəsmi müqaviləyə imza atacaq.
Qeyd edək ki, Kevin Medina 2020-ci ildən "Qarabağ"da çıxış edir.

/atributinfo.az/