İsmayıllıda ağır yol qəzası baş verib. İlkin məlumata görə, rayonun Hacıhətəmli kəndi ərazisində hərəkətdə olan “VAZ-2107” markalı avtomobilin sürücüsü idarəetməni itirərək nəqliyyat vasitəsini yolun kənarındakı obyektə çırpıb.

Hadisə nəticəsində avtomobilin sürücüsü, 1983-cü il təvəllüdlü Yasin Rəhimov ağır xəsarət alıb və xəstəxanaya aparılarkən yolda dünyasını dəyişib. Sərnişinlər 32 yaşlı Mehman Babayev və 33 yaşlı Bəhruz Əlizadə isə müxtəlif dərəcəli xəsarətlərlə xəstəxanaya yerləşdiriliblər.

DİN-in mətbuat xidmətinin Şəki regional qrupunun verdiyi məlumata görə, faktla bağlı cinayət işi başlanıb, istintaq aparılır.

Hadisənin başvermə səbəbləri araşdırılır.